"Эндигина 19 ёшга кирган қизимиз ўз иқтидори, меҳнати билан илмда, санъатда ўзини намоён эта олган умидли ёшларимиздан бири эди. 2023 йилда санъат йўналиши бўйича Зулфия номидаги Давлат мукофоти билан тақдирланган.
Хитойда таҳсил олаётган қизимизнинг келажакда Ўзбекистонимиз ривожига ҳисса қўшиш, икки мамлакат ўртасидаги дўстлик ришталарини янада мустаҳкамлаш каби юксак орзулари бор эди. Аммо, бешафқат ўлим уни орамиздан олиб кетди.
Шириннинг ота-онаси, яқинларига чуқур таъзиямизни билдирамиз", — дейди Сенат раиси Танзила Норбоева.
Эслатиб ўтамиз, аввалроқ хонанда, Зулфия мукофоти совриндори Ширин Абдуллаева19 ёшида вафот этгани ҳақида хабар қилинганди.
