Тошкентнинг “Локомотив” клуби мараббийлар штабида ўзгариш юз берди. Жамоага энди Осиёнинг икки карра “Энг яхши футболчиси” Сервер Жепаров бош мураббийлик қилади. Унга Мирко Йеличич ёрдам беради.
Сервер шу пайтгача клуб спорт директори вазифасини бажариб келаётганди. Унгача Ўзбекистон ўсмирлар терма жамоасида қисқа муддат бош мураббий сифатида фаолият юритган.
Айни пайтда темирйўлчилар Суперлигада, 17 очко билан 10-ўринни эгаллаб турибди. Шу боис клуб раҳбарияти жамоанинг бош мураббийи Денис Коростиченкони истеъфога чиқарди.
