Ўйиннинг асосий вақти 1:1 ҳисобида дуранг билан якунланди. Ғолиб пеналтилар сериясига кўра аниқланди, унда испан клуби ғалаба қозонди. Испаниянинг “Севилья” клуби тарихда еттинчи марта Европа Лигасида ғолиб чиқди ва мазкур еврокубокда ғалаба қозониш бўйича рекордини янгилади. Учрашув Будапештдаги “Пушкаш Арена”да бўлиб ўтди.
35-дақиқада Паоло Дибала “Рома”ни олдинга олиб чиқди, 55-дақиқада ҳимоячи Жанлука Манчини томонидан киритилган автогол туфайли ҳисоб тенглашди.
Кубок тақдирини пеналтилар серияси ҳал қилди.
“Рома” сафида Жанлука Манчини ва Рожер Ибаньес гол ура олмади, “Севилья” сафида Лукас Окампос, Эрик Ламела, Иван Ракитич ва Гонсало Монтиэль ўз имкониятларидан унимли фойдаланишди.
“Севилья” жамоаси Европа лигасининг плей-офф босқичига Чемпионлар лигасидан чиқиб борди. “Рома”га қарши финал ўйинига қадар испанлар “ПСВ”, “Фенербахче”, “Манчестер Юнайтед” ва “Ювентус”ни мағлуб этишди, деб хабар беради ru.euronews.com.
