Форумда Шаҳрисабз шаҳри ҳокими Шерзод Бўриев ҳамда Бейлаган шаҳар ҳокими Азиз Азизов томонидан икки шаҳар ўртасида ҳамкорликни янги босқичга кўтариш мақсадида Озарбайжон Республикасининг Бейлаган шаҳри ҳамда Шаҳрисабз шаҳарларининг биродарлашган алоқаларини ўрнатиш тўғрисида келишув имзоланди, деб хабар беради Туризм қўмитаси матбуот хизмати.

Келишувга кўра, шаҳарлар туризм, савдо-иқтисодий ва илмий-техникавий йўналишларда ҳамкорликни кенгайтириш, қўшма инвестиция лойиҳаларини амалга ошириш, шаҳарларнинг таълим ташкилотлари ўртасидаги ўзаро алоқаларни қўллаб-қувватлаш каби масалаларда ҳамкорлик қилиши кўзда тутилган.