Бугун шимолий ҳудудларга нам ҳаво массалари кириб келиши кутилмоқда, бунинг натижасида куннинг иккинчи ярмида Бухоро, Навоий вилоятларида ва кечга томон Хоразм вилоятида баъзи жойларда бироз ёмғир ёғади. Кундузи ҳаво ҳарорати +24...+27 даражани, шимолда +12...+17 даражани ташкил этади.
Эртага республика ҳудудининг катта қисмида ёмғир ёғади, шамол баъзи жойларда 15-18 м/с гача кучайиши кутилмоқда. Кундузги ҳарорат +15...+20 даражагача пасаяди.
Чоршанба ва пайшанба кунлари фақат республиканинг жанубий ва шарқий ҳудудларида ёмғир ёғиши эҳтимоли бор. Ўзбекистон бўйича энг жадал ёмғирлар 25 октябрь куни прогноз қилинмоқда.
Ҳаво ҳарорати 23 октябрда кечаси +8...+13 даража, кундузи +10...+15 даража, 24 октябрда кечаси 5...+10 даража, кундузи +12...+17 даража, 25 октябрда кечаси +5...+10 даража, кундузи +14...+19 даража бўлади.
22 октябрдан 25 октябргача республиканинг тоғ олди ва тоғли ҳудудларида баъзи жойларда ёмғир ёғиши кутилмоқда, +23...+25 октябрда айрим ҳудудларда баъзи жойларда кучли ёмғир ёғиши мумкин, баланд тоғли ҳудудларда қорга айланади.
Пойтахтимизда: бугун қуёшли ва қуруқ об-ҳаво кузатилади, ҳарорат кундузи +25...+27 даража бўлади.
Эртага кечга томон вақти-вақти билан ёмғир ёғади. Шамол 5-10 м/с тезликда эсади. Ҳарорат кечаси +11...+13 даража, кундузи +17...+19 даража бўлади. 23-24 октябрда ёмғир ёғиши мумкин. Шамол 5-10 м/с тезликда эсади. Ҳарорат 23 октябрда кечаси +11...+13 даража, кундузи +13...+15 даража, 24 октябрда кечаси +8...+10 даража, кундузи +15...+17 даража бўлади.
