Сирдарё вилоятида “Гуллар фестивали” 2018 йилдан буён анъанавий тарзда ўтказиб келинади. Гўзаллик байрами вилоят марказининг ўз номига монанд кўркам шаҳарга айланишига хизмат қилмоқда, деб ёзмоқда вилоят ҳокимлиги расмий манбалари.
Бу йил ҳам ушбу анъанага содиқ қолган ҳолда Гулистон шаҳрида мамлакатимиз Мустақиллигининг 31 йиллигини муносиб нишонлаш мақсадида “Гуллар фестивали”ни ўтказиш режалаштирилган.
“Билимдонлар маскани”да мазкур фестивалга тайёргарлик кўришга бағишланган тадбир бўлиб ўтди. Шу аснода хиёбонлар, марказий кўчаларнинг бўйларида ранг-баранг гулзорлар ташкил этишга киришилди.
