Қишлоқ хўжалиги маҳсулотлари ишлаб чиқариш ҳажмини 2 баробарга ошириш чоралари кўрилади. Бунда 34 минг гектар майдон ўзлаштирилиб, мева-сабзавотчилик ва чорвачилик учун, танлов асосида ажратиб берилади.
16 минг 200 гектар пахта ва ғалла майдонларини очиқ танлов асосида, аҳолига 1 гектаргача узоқ муддатга ижарага бериш орқали, 35 мингга яқин иш ўрни яратилади.
Бу лойиҳаларни амалга ошириш учун, «Лойиҳа офиси» ташкил этилиб, ҳар бир оилага йилига камида 5 минг доллар даромад олиш имкониятини берадиган тайёр бизнес лойиҳалар ишлаб чиқилади.