Жорий йилнинг 12 март куни Чилонзор туманида жойлашган 200-мактаб директори ва инспектор-психологи сурункали равишда дарс қолдираётган ҳамда тартиб интизоми яхши бўлмаган ўқувчилардан бирининг отаси фуқаро М.Э.ни суҳбатга чақиртиради.
Суҳбат мобайнида мактаб директори ва инспектор-психолог, фуқаро М.Э.га фарзандининг дарсга келмаётганининг сабабларини сўраган. Отага дарсда ўзини тутиши ҳам ўзгариб қолгани тўғрисида маълумот берилиб, биргаликда шуғулланиш зарурлиги тушунтирилган.
Фуқаро М.Э эса ўғлининг ҳатти-ҳаракатларидан жаҳли чиқиб, мактаб маъмурияти билан ҳамкорликда ишлаш ўрнига аксинча уларга айбни ағдариб, жанжал кўтарган.
“Ташвиш” хабари асосида соат 10:17 лар чамаси етиб келган тезкор ҳаракатланувчи гуруҳ ходимлари томонидан фуқаро М.Э. ни туман ИИБга олиб борилган ва унга нисбатан ЎзР МЖтКнинг 47-моддаси бўйича баённома расмийлаштирилган.
