Бойсун туманидаги газ заправкада Nexia 2 автомашинасининг газ баллони портлаб кетди. Ҳодиса оқибатида машина яқинида бўлган ҳайдовчи ҳалок бўлди.
Воқеа 28 июнь куни соат 07:15 атрофида туманнинг Инкобод маҳалласи ҳудудида жойлашган автомобилларга сиқилган газ қуйиш шохобчасида Дастлабки маълумотларга кўра, «Nexia-2» русумли енгил автомобилга метан гази тўлдирилаётган пайтда 100 литр сиғимдаги баллон ёрилиб, портлаш содир бўлган. Воқеа жойида ёнғин юз бермаган.
Ҳодиса оқибатида яқин жойда турган ҳайдовчи оғир тан жароҳатлари олиб, воқеа жойида вафот этган. Воқеа жойига Фавқулодда вазиятлар, Ички ишлар ҳамда прокуратура органлари мутасаддилари етиб борган бўлиб, ҳолат юзасидан суриштирув ишлари олиб борилмоқда.
Хабарда айтилишича, воқеа жойига туман ФВБ, ИИБ ҳамда прокуратура раҳбар ходимлари етиб борган ва ҳолатни назоратга олган.
