Институтда делегация вакилларини кутиб олиш маросими бўлиб ўтди.
Ушбу маросимда Беларусь Миллий техника университети ректори Харитончик Сергей Василевич, БМТУ халқаро ҳамкорлик факультети декани Ширвел Павел Иванович, «Политехника» санаторий-профилактика муассасаси директори Кусмерская-Мялик Нина Ивановна, Транспорт университети Халқаро таълим дастурлари факультети декани Рискулов Алимжон Ахмаджанович, институт ректори Ўктам Саломов, соҳа проректорлари, факультет деканлари ва илмий кенгаш аъзолари иштирок этди.
— Сўнгги йилларда Ўзбекистон-Беларусьсия ўртасидаги, айниқса олий таълим соҳасидаги ўзаро ҳамкорлик анча ривожланди, — дейди иинститут ректори Ўктам Саломов. — Бир неча йиллардан буён ман шу университет билан ҳамкорлигимиз ортидан кўплаб талабаларимиз Беларусь Миллий техника университетида таълим олишни давом эттирмоқда. Қолаверса Беларусь Миллий техника университетининг талабалари ҳам бизга келиб амалиёт ўтаётгани ҳам ҳамкорлигимизнинг янада ривожланишига замин яратмоқда.
Тадбир давомида Беларусь Миллий техника университети ректори Харитончик Сергей Василевичга фан ва таълим соҳасидаги кўп йиллик ўзаро самарали ҳамкорлик алоқаларини мустаҳкамлашга, республикамизда техника олий таълим ривожига қўшаётган улкан ҳиссаси эътирофи сифатида Фарғона политехника институти «Фахрий профессори» унвони берилди.
Шунингдек, делегация вакиллари институтнинг шаклланиш ва ривожланиш тарихи акс этган музей фаолияти билан ҳам яқиндан танишди.
Шундан сўнг, икки олийгоҳ расмийлари иштирокида келгусидаги ўзаро манфаатли ҳамкорликни ривожлантиришга бағишланган музокара бўлиб ўтди.
Музокаралар давомида таълим ва илм-фан соҳасидаги истиқболли режалар, шунингдек ҳамкорликнинг янги йўналишлари бўлган ҳамкорликда олий муҳандислик мактаблари ва спин офф корхоналарини ташкил этиш масалалари кенг муҳокама қилинди.
Куннинг иккинчи ярмида делегация вакиллари институтда мавжуд илмий ва инновацион ишлаб чиқариш ҳамда турли соҳаларга хизмат кўрсатишга мўлжалланган марказ ва спин офф корхоналар фаолияти билан танишишдилар.
Ҳамкорлик материали
