Низомга кўра, Олий таълим, фан ва инновациялар вазирлиги мазкур соҳада ваколатли давлат органи ҳисобланади.
Ариза берувчи қўшма таълим дастурини жорий этиш учун белгиланган ҳужжатларни илова қилган ҳолда ваколатли органга ариза билан мурожаат қилади.
Ваколатли орган 15 иш куни мобайнида аризани кўриб чиқади.
Белгиланган талаблар бажарилганда ҳамда Ўзбекистоннинг кадрлар тайёрлаш соҳасига мос бўлганда, қўшма таълим дастурини жорий этиш бўйича ижобий хулоса берилади.
Ижобий хулосага асосан техникум билан хорижий таълим ташкилоти ўртасида келишилган муддатларда белгиланган тартибда шартнома расмийлаштирилади.
Қўшма таълим дастури асосида ўқувчилар техникум томонидан ҳамкор хорижий таълим ташкилоти билан келишилган ҳолда тасдиқланган тартибга мувофиқ ўқишга қабул қилинади.
Битирувчиларга хорижий таълим ташкилоти жойлашган давлатда ҳамда Ўзбекистонда тан олинадиган квалификация (давлат намунасидаги диплом ёки сертификат) берилади.
