13-14 май кунлари Риштон шаҳрида Туркий халқлар ҳунармандчилиги форуми бўлиб ўтади. Дунёнинг турли бурчакларидан 20 га яқин таниқли кулоллар ва меҳмонларнинг ташрифи кутилмоқда.
Форум доирасида Риштон кулолчилиги: кеча, бугун, эртага конференцияси ҳамда кулолчиликни ривожлантиришнинг долзарб масалаларига бағишланган давра суҳбати кўзда тутилган.
Тадбирда шунингдек Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамиятининг Риштон кулолчилиги китоб-альбоми тақдимоти бўлиб ўтади.
Учрашув куратори санъат фанлари доктори, Ўзбекистон Республикаси Фанлар академияси Санъатшунослик институти профессори, Ўзбекистон маданий мероси жаҳон тўпламларида лойиҳасининг илмий мувофиқлаштирувчиси Элмира Валиевна Гюл.