Хитойнинг Тибет мухтор райони Шигадзе шаҳри ҳудудида юз берган даҳшатли зилзила оқибатида 126 киши ҳалок бўлди, 60 мингдан ортиқ аҳоли жабрланди.
Бу ҳақда Тибет мухтор райони Фавқулодда вазиятлар департаменти раҳбари ўринбосари Хао Тао брифингда маълум қилди.
9 январь куни эрталабки ҳолатга кўра, зилзила оқибатида 126 киши ҳалок бўлди, 61,5 минг киши жароҳат олди, деди Хао Тао. Қутқарувчилар 400 дан ортиқ аҳолига вайроналар остидан чиқиб кетишга ёрдам берди. Табиий офат ҳудудида қидирув-қутқарув ишлари якунланди, деб хабар беради tass.ru.
Хитойнинг етакчи оммавий ахборот воситалари, жумладан, «People’s Daily» ва «Beijing Youth Daily» газеталари, шунингдек, энг йирик ва энг нуфузли давлат ахборот агентлиги «Sinxua» бўлинмаси Ўзбекистон билан туризм соҳасидаги ҳамкорликни мустаҳкамлашга бағишланган мақолалар эълон қилди. Хусусан, Пекинда «Хитойда Ўзбекистон туризм йили»нинг очилиш маросими ҳамда Хитой-Ўзбекистон туризм сармоя форуми ўтказилганлиги ҳақида хабар берилди.
