Ўзбекистон миллий терма жамоаси ёрдамчи мураббийи Тимур Кападзе ўз фаолиятини янги босқичда давом эттириш истагини билдирган ҳолда, Ўзбекистон футбол ассоциацияси раҳбариятига лавозимидан озод этилиш тўғрисида мурожаат қилди.
«Мутахассисга бошқа таклиф тушгани ҳамда у ўз мураббийлик фаолиятини бош мураббий сифатида давом эттириш ниятида эканлиги боис, ЎФА раҳбарияти унинг қарорини ҳурмат билан қабул қилди», дейилади ЎФА расмий хабарида.
Ўзбекистон U-17 терма жамоасини Осиё чемпионлигига етаклаган ва Жаҳон чемпионати нимчорак финалига олиб чиққан мураббий — Исломбек Исмоилов «Нефтчи» ПФКнинг янги бош мураббийи этиб тайинланди.
Тимур Кападзе «Навбаҳор» клуби раҳбарияти билан барча масалаларни муҳокама қилган ҳолда, жамоадаги келгуси режалар ва мақсадлар юзасидан тўлиқ келишувга эришди. Томонлар ўзаро шартнома имзолади.
19 ёшли ўзбек шахматчиси Жавоҳир Синдоров FIDE Жаҳон кубоги–2025 ярим финалида тай-бекда ғалаба қозониб, мусобақанинг бош финалига чиқди. У шу билан бирга 2026 йилги Номзодлар турнирида иштирок этиш ҳуқуқини ҳам қўлга киритди.
