Гумонланувчилар ўтган йилнинг 30 декабр куни эрталаб соат 5:30 лар атрофида уч нафар чет эллик билан муштлашув уюштириш, сўнгра қиймати 210 минг иена (тахминан 1500 доллар) бўлган ҳамён ва сумкаларини ўғирлаш бўйича тил бириктирганликда айбланмоқда. Айтилишича, улар эркаклардан бирининг юзига тепиб, тан жароҳати етказган.
Полиция маълум қилишича, тўрт нафари ноқонуний равишда Японияда бўлган гуруҳ маст одамлардан ўғирланган кредит карталари ёрдамида сотиб олинган смартфонларни қайта сотиш орқали 8 миллион иена (55 минг доллар) ишлаб топганликда ҳам гумон қилинмоқда.
Жиноятлар ўтган йилнинг августидан жорий йилнинг февралигача Шибуя ва Шинжуку гавжум ҳудудларида камида 10 та ҳолатда содир этилган. Полиция қўлга олинганларнинг бошқа жиноятларга алоқадорлигини текширмоқда.
Қайд этилишича, гуруҳ етакчиси аралаш яккакураш бўйича 21 ёшли жангчи бўлиши мумкин. Япония ОАВ у адвокат билан учрашмагунча кўрсатма беришдан бош тортгани ҳақида хабар берди. Қолган тўрт нафари айбловларни рад этган.
