17 февраль куни Саудия Арабистони пойтахти Ар-Риёд шаҳридаги "Kingdom Arena"да профессионал бокс оқшоми ташкил этилади.

Оқшомнинг асосий жанги супероғир вазн тоифаси чемпионлари - Тайсон Фьюри ҳамда Александр Усик ўртасида ўтказилади. Ушбу турнирда ҳамюртимиз Баҳодир Жалолов ҳам рингга кўтарилади.

Буни дунёга машҳур Top Rank промоутерлик компанияси ҳам тасдиқлади. Жалолов айнан шу компания мижози ҳисобланади. Ҳозирча Баҳодирга бўлажак жангда ким рақиблик қилиши маълум эмас.