Жорий йилнинг тўққиз ойида Ўзбекистон ялпи ички маҳсулоти (ЯИМ) 2022 йилнинг мос даври билан таққослаганда 5,8 фоизга ўсган.
Статистика агентлиги дастлабки маълумотларига кўра, 2023 йилнинг январь-сентябрь ойларида Ўзбекистонда ялпи ички маҳсулот (ЯИМ) ҳажми жорий нархларда 751 триллион сўмни ташкил этган. Бу ўртача алмашув курси (11 556,2 сўм) бўйича қарийб 65 миллиард АҚШ долларига тенг.
2023 йилнинг январь-сентябрь ойларида аҳоли жон бошига ҳисобланган ЯИМ ҳажми жорий нархларда 20,7 миллион сўм (1 минг 789,5 АҚШ доллари)ни ташкил этиб, 2022 йилнинг мос даври билан таққослаганда 3,6 фоизга ошган.
Инфляция 2,4 фоизгача пасайди (2022 йилда — 2,9 фоиз). Асосан озиқ–овқат маҳсулотлари нархи — 3,4 фоиз (4,4 фоиз), ноозиқ-овқат маҳсулотлари нархи 1,6 фоиз (2,1%), пуллик хизматлар нархи 1,6 фоиз (1,5 фоиз)га ўсди.
Иқтисодий тадқиқотлар ва ислоҳотлар маркази (ИТИМ) 2022 йилгача бўлган Ўзбекистоннинг ЯИМ истиқболли кўрсаткичлари кўтарилиши ҳақида маълум қилди. Буни ҳисоблашда ўта батафсил кенг кўламли маълумотларга асосланган "ноукастинг" ёндашувидан фойдаланилган.
Прогнозлаштириш ва макроиқтисодий тадқиқотлар институти экспертлари Ўзбекистонда трансформация жараёнининг моҳияти ва мамлакат ривожланишининг ҳудудий хусусиятларини аниқлаш мақсадида ҳудудлардаги иқтисодий ўсишни омилларга асосланган ҳолда таҳлил қилди.
