Тошкент шаҳар мактабгача ва мактаб таълими бошқармаси томонидан маълум қилинишича, воқеа 27 ноябр куни соат 18.15 ларда Мирзо Улуғбек туманидаги 99-сонли умумтаълим мактабининг спорт майдонида содир бўлган.
Хабарда айтилишича, ўқувчи А.А. мактаб ҳовлисидаги чиқиб кетаётганида тоби қочган ва ҳушидан кетган. Шу вақтни ўзида тез тиббий ёрдам чақирилган ва бола тез ёрдам машинасида Республика ихтисослаштирилган кардиология марказига олиб кетилган.
Бироқ шифокорлар томонидан кўрсатилган ёрдамга қарамай А.А. ўзига келмаган ва вафот этган.
Ҳозирда ҳуқуқ-тартибот идоралари томонидан суриштирув ишлари олиб борилмоқда.
