Айни кунларда «Ҳудудий электр тармоқлари» АЖнинг Тошкент шаҳар филиали томонидан пойтахтимизнинг электр таъминоти тизими узлуксиз ва барқарор ишлашини таъминлаш мақсадида кенг кўламли реконструкция ва қурилиш ишлари олиб борилмоқда.

Тошкент шаҳар ҳокимлиги матбуот хизмати хабар беришича, Амир Темур кўчаси бўйлаб янги электр тармоғи қурилиши олиб борилади.

Шу муносабат билан 15 майдан то қурилиш ишлари якунлангунига қадар Амир Темур шоҳ кўчасининг Нукус кўчаси билан кесишмасидан Амир Темур кўчаси бўйлаб Шаҳрисабз кўчаси кесишмасигача бўлган оралиқда йўлнинг бир тасмаси вақтинча ёпилади.