Ушбу қоидабузарликлар оқибатида дастлабки ҳисоб-китобларга кўра газ таъминоти корхонасига 601,2 млн сўмлик зарар етказилганлиги маълум бўлди.
Қайд этилишича, “Ўзенергоинспекция“ Тошкент вилоят ҳудудий бошқармаси ва вилоят прокуратураси ҳамкорлигида ўтказилган назорат тадбирларида Қибрай тумани “Обод“ МФЙда истиқомат қилувчи фуқаролар Р.М. ва Р.Т.лар ўз хонадонларида иссиқхоналар ташкил қилиб, таъминот корхонаси билан шартнома тузмасдан тармоққа ўзбошимчалик билан уланиб, табиий газдан ноқонуний фойдаланганликлари аниқланди.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Ўзбекистон Республикаси Президенти “Иссиқхона хўжаликлари фаолиятини рағбатлантириш бўйича қўшимча чора-тадбирлар тўғрисида“ги қарорини (2024 йил, 26 сентябрь) имзолади.
Қишлоқ хўжалиги Энергетика вазирлиги билан ҳамкорликда куз-қиш мавсумида аҳоли газ тармоқларига уланмаган иссиқхона хўжаликларига табиий газ етказиб бериш бўйича шартнома тузиш ишларини бошлади.
