Тошкентда синтетик гиёҳвандлик воситаларини ишлаб чиқараётган лаборатория аниқланди

Бу ҳақда Тошкент шаҳар ИИБ ахборот хизмати хабар берди.

Қайд этилишича, қўлга олинган шахс бир нечта манзилда жойлашган гиёҳвандлик моддалар лабораториясидан фойдаланиб, синтетик гиёҳвандлик моддаларини ишлаб чиқариш билан шуғулланиб келгани аниқланган.

Шунингдек, фуқаронинг Тошкент вилоятида жойлашган хонадони кўздан кечирилганида синтетик гиёҳвандлик воситалари, турли хил контейнерлар, қўлқоплар, тарози, газга қарши ниқоблар борлиги аниқланиб, ашёвий далил сифатида ҳужжатлаштириб олинган.

Шу куни тезкор тадбир давомида биринчи лабораториядан 4,8 килограмм, иккинчи хонадондан қарийб 10 килограмм, жами 14 килограмм 795 грамм умумий нархи тахминан 1 миллион долларга тенг синтетик гиёҳвандлик воситаси аниқланиб, холислар иштирокида расмийлаштириб, ашёвий далиллар Тошкент шаҳар ИИББ ЭКМ томонидан экспертизадан ўтказилган.

Марказ хулосасига кўра, олинган моддаларнинг барчаси синтетик гиёҳвандлик моддалар экани ўз тасдиғини топган.

Ҳозирда ҳолат юзасидан Миробод тумани ИИО ФМБ тергов бўлими томонидан ЖКнинг 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилган.

Гумон қилинувчиларга нисбатан қамоқ эҳтиёт чораси тайинланиб, тергов ҳаракатлари давом этмоқда.

Тошкент вилоятида гиёҳвандлик воситалари "савдогар"лари қўлга олинди

Фарғона вилоятида яшовчи 29 ёшли шахс (А.К.) 560 дона кучли таъсир қилувчи дори воситаларини харидорга 11 млн 700 минг сўмга сотган вақтида тезкор ходимлар томонидан далилий ашё билан қўлга олинди.

Тожикистон ва Қирғизистондан контрабанда йўли билан келтирилган гиёҳвандлик воситалари мус...

Давлат хавфсизлик хизмати томонидан ўтказилган тезкор тадбирда Сурхондарё, Фарғона, Андижон вилоятларида гиёҳвандлик воситалари айланмасининг олди олинди.

Тўрт вилоятда Тожикистондан келтирилган наркотик моддалар мусодара қилинди

Биргина Тошкент шаҳрида ўтказилган тадбирда 1 кг 995 гр “героин”, 143 гр “Мефедрон” ҳамда 3 литр суюқ “Мефедрон” синтетик наркотик, қадоқлаш воситалари, электрон тарози ва бошқа ускуналар топилган.

Тошкент вилоятида бир гуруҳ шахслар жиноят устида ушланди

Ҳозирда барча ҳолатлар бўйича қонунбузарларга нисбатан Жиноят Кодексининг тегишли моддалари билан жиноят ишлари қўзғатилиб, қамоқ эҳтиёт чораси қўлланилган.

“Ҳаво компрессори”га яширилган гиёҳвандлик воситаси фош этилди

Тошкент вилояти божхона бошқармасининг “Ғишткўприк” чегара божхона пости ходимлари Давлат хавфсизлик хизмати вакиллари билан ҳамкорликда “Ғишткўприк” чегара божхона постида тезкор тадбир ўтказилди.

Тошкентда яна бир “закладчик” қўлга тушди

Пойтахтимизда гиёҳвандлик ва психотроп воситаларининг ноқонуний айланмасига қарши кураш ойлиги доирасида ҳудудларда кенг қамровли тезкор-профилактик тадбирлар амалга оширилмоқда.

Тошкентда гиёҳвандлик воситаларини тарқатиш билан шуғулланиб келган “закладчиклар” ушланди...

Гиёҳвандлик воситалари ва психотроп моддаларнинг ноқонуний айланмасига қарши курашиш ойлиги доирасида ИИО, ДХХ ва МГ ходимлари ҳамкорлигида тезкор рейд тадбирлари ўтказилмоқда.

Тошкентда гиёҳвандлик моддаларини тарқатувчи “закладчик”лар қўлга тушди

Пойтахт ҳудудида ўтказилаётган гиёҳвандлик воситалари ва психотроп моддаларнинг ноқонуний айланмасига қарши курашиш ойлиги доирасидаги тезкор-профилактик тадбирлар давомида Сергели туманида яна бир жиноий ҳаракатларга чек қўйилди.