Хусусан, Навоий вилояти ҳокимлиги ва Британия менежмент университети ўртасида инглиз тилини ўқитиш сифат ва самарадорлигини янада ошириш мақсадида тузилган келишувга асосан Навоий давлат педагогика институти ва Британия менежмент университети ўртасида самарали ҳамкорликни йўлга қўйиш бўйича меморандум имзоланди.
Мазкур ҳужжат доирасида таълим муассасалари ўртасида маълумот алмашиш ва ўзаро манфаатли лойиҳалар бўйича ҳамкорлик қилиш ҳамда уларни амалга оширишга келишиб олинди. Ўзаро ҳамкорлик Навоий давлат педагогика институтига мутахассисларни волонтёр сифатида юбориш ҳамда институтнинг чет тили ўқитувчиларининг малакасини ошириш ва уларни тренерлар сифатида тайёрлаш имкониятини беради.