Бу ҳақда Президент Дональд Трамп 14 июль, душанба куни Оқ уйда НАТО бош котиби Марк Рютте билан учрашувда айтиб ўтди, деб хабар беради dw.com.
“Агар 50 кун ичида келишувга эриша олмасак, иккинчи даражали тарифлар бўлади”, деди Трамп. “Агар биз 50 кун ичида келишувга эришмасак, иккиламчи тарифларни жорий қиламиз. Ва улар 100 фоиз бўлади”, дея қўшимча қилди АҚШ Президенти.
“Мен савдодан кўп мақсадларда фойдаланаман”, деб қўшимча қилди у. “У урушларни тугатиш учун жуда мос келади”.
Трамп Путиндан ҳафсаласи пир бўлди
Республикачининг сўзларига кўра, Украинадаги тинчлик музокаралари, жумладан, у билан Владимир Путин ўртасида ҳамон “доимий мулоқотлар” давом этмоқда.
Кейин эса ракеталар Киевга учиб, одамларни ўлдирмоқда”, деб давом этди Трамп. “Буни тўхтатиш керак”, деб талаб қилди АҚШ Президенти. Унинг қўшимча қилишича, “Путиндан ҳафсаласи пир бўлган” ва у билан бир неча ой олдин келишувга эришишга умид қилган.
Трамп Украина учун 17 та Patriot тизими ҳақида
Журналистларнинг АҚШ ва унинг иттифоқчилари Украинага Patriot ҳаво мудофаа тизимларини етказиб беришни режалаштиряптими, деган саволига Трамп бу “бир неча кун ичида” амалга ошишини айтди.
“Бизда 17 та Patriot тизими бор битта мамлакат бор, улар жўнашга тайёрланмоқда. Уларга керак бўлмайди. Шунинг учун биз ўша 17 таси –уларнинг аксарияти қаерга бориши ҳақида музокаралар олиб борамиз. Улар уруш тарафга боради”, дея қўшимча қилди Трамп.
Унинг сўзларига кўра, Patriot битимида ушбу тизимларга эга бўлган бир қанча давлатлар иштирок этади. Улар буларни “алмаштириш ва ўзгартириш”, учун йиғилади деди Трамп. Унинг қайд этишича, бу иш АҚШнинг НАТОдаги доимий вакили Мэтью Уитакер томонидан мувофиқлаштирилади. Трамп аввалроқ Вашингтон Patriot тизимларини кейинчалик Киевга етказиб бериш учун европаликларга сотмоқчи эканини айтган эди.
“Украина ҳақиқатан ҳам катта миқдорда ҳарбий техника оляпти: ҳаво мудофаа тизимини ҳам, ракеталар ва ўқ-дориларни ҳам”, деди Рутте 14 июль куни Оқ уйда.
