Финалда ҳамюртимиз Буюк Британиялик таниқли спортчи, дунё рейтингида 2-ўринни эгаллаб турган амалдаги жаҳон чемпиони Бредли Сенден билан жанг қилди.
Бутун жанг давомида Улуғбек устунлик қилди. Аммо, сўнгги раундда бир сафар Буюк Британиялик спортчи ҳисобда олдинга чиқиб олгач, мухлисларимиз таҳликага тушиб қолган бўлиши мумкин. Бироқ, Рашитов тўрт йилликнинг нуфузли мусобақасига пухта ҳозирлик кўрганлиги якунда ўз сўзини айтди. Жанг охирида берилган аниқ зарба ҳамюртимизга Токио-2020 Олимпиадасининг олтин медалини тақдим этди, деб хабар беради Туризм ва спорт вазирлиги матбуот хизмати.