2023 йил 9 январда Ўзбекистон Республикаси ташқи ишлар вазири ўринбосари Музаффар Мадраҳимов АҚШ Халқаро тараққиёт агентлигининг (USAID) Ўзбекистондаги миссияси директори Девид Хофман билан музокаралар ўтказди.
Томонлар Ўзбекистоннинг USAID билан ҳамкорлигини батафсил кўриб чиқдилар ва кўп қиррали ҳамкорликни янада чуқурлаштиришнинг устувор йўналишлари юзасидан фикр алмашдилар.
Соғлиқни сақлаш соҳасини ривожлантириш, таълим тизимини модернизация қилиш, барқарор иқтисодий ривожланишни таъминлаш, энергия хавфсизлигини мустаҳкамлаш ва халқаро савдони кенгайтиришга қаратилган қўшма лойиҳа ва дастурларни амалга ошириш бўйича таклифлар кўриб чиқилди, деб хабар беради Ташқи ишлар вазирлиги матбуот хизмати.
Ўзбекистон ташқи ишлар вазири Бахтиёр Саидов кеча Афғонистон дипломатик ваколатхонасининг янги раҳбари Абдул Ғаффор Теравийни қабул қилди, деб хабар қилмоқда Дунё АА.
Ўзбекистон ташқи ишлар вазири Бахтиёр Саидов БМТнинг Нью-Йоркдаги бош қароргоҳида Багама Ороллари Ҳамдўстлиги ташқи ишлар вазири Фредерик А.Митчел билан учрашди.
