Бугун вилоят ҳокими Яккабоғ тумани марказини ободонлаштириш ва комплекс ижтимоий-иқтисодий ривожлантириш бўйича Вазирлар Маҳкамаси қарорида кўзда тутилган масалалар тақдимоти билан танишиб, ўзининг тегишли кўрсатмаларини берди.
«Бу маблағлар натижа бериши керак, – деди Зойир Мирзаев. – Фуқароларимиз ҳис қилиши керак ўзгариш бўлганини. Қарорда аҳоли бандлигини таъминлаш ҳамда ишсизлик даражасини пасайтириш мақсадида тадбиркорларни фаол жалб этиш орқали саноат ва хизмат кўрсатиш соҳаларини ривожлантириш, замонавий тиббий хизмат кўрсатиш клиникалари ва ташхис марказларини барпо этишга эътибор қаратилгани қувонарли».
