Ҳаммалари биргаликда боғ, унинг тўқайзорлари ва яқиндагина қирилиб кетиш арафасида турган Бухоро буғуларини кўздан кечирди. Қўриқхонада бўлиш нафақат табиат гўзаллигидан завқланиш имконияти, балки экотизимларни асраш ва уларнинг бир-бири билан чамбарчас боғлиқлиги ҳақида муҳим эслатма бўлди.

Экскурсия иштирокчилари баъзида экотизимларни сақлаб қолишнинг асосий қисми антропоген таъсирни, яъни инсоннинг аралашувини камайтириш эканлигини афсус билан таъкидлади.

Ушбу тажриба турли мамлакатлар экофаоллари учун экотизимларни сақлаб қолиш ва кўчиб юрувчи ҳайвон турлари учун трансчегаравий боғларни яратиш бўйича фаол ҳаракат ва ташаббусларга туртки бўлди.