Референдум участкасида Ўзбекистонда олиб борилаётган кенг кўламли ўзгаришлар, жумладан мамлакатимизда амалга оширилаётган конститутциявий ислоҳот ва референдум мазмун-моҳияти ҳақида батафсил маълумотлар, видео, фотоматериаллар, инфорграфик плакатлар ўрнатилган.
Мисрдаги фуқароларимиз Бош қомусимизга киритилаётган ўзгариш ва қўшимчалар ҳуқуқий жамият барпо этишни кўзлаган ҳолда амалга оширилаётганини, унда хориждаги ватандошлар манфаатлари ҳам инобатга олинганлигини эътироф этаяптилар.
Эслатиб ўтамиз, Ўзбекистоннинг чет давлатлардаги дипломатик ва бошқа ваколатхоналари ҳузурида 55 та референдум участкаси ташкил этилган.
Энг яқин референдум сайлов участкалари ҳақидаги маълумотни «Дунё» АА томонидан ишлаб чиқилган ва 74 мингдан ортиқ киши фойдаланган участка сайлов комиссиялари манзилларининг электрон харитасидан олиш мумкин.