Давлат хизматини ривожлантириш агентлиги ташаббуси билан Қашқадарё вилоятида секторлар учун ташкил этилган махсус семинарда секторлар фаолиятида аҳамият бериши лозим бўлган жиҳатлар, хусусан иш аввалида аниқ режа ва мақсад қўя билиш, маълумотлар ва ҳисоботларни электрон тизим орқали юритиш, махсус дафтарлардаги оилалар ва фуқароларни тизимли рўйхатдан чиқариш механизмлари тушунтирилди.
Эндиликда ушбу сектор раҳбарлари фаолияти 13 та аниқ индикаторлар асосида мунтазам баҳолаб борилади ва муҳими, жараёнларни аҳоли кузатиб бориш имконига эга.
Бундан ташқари, семинарда ilm.argos.uz платформаси ишга туширилгани маълум қилинди. Бу платформанинг қулайлиги шундаки, унда маълумотлар ҳам видео ҳам матн кўринишида берилган. Қолаверса, платформадан турли қурилмалар орқали кириб, бемалол фойдаланса бўлади. Шунингдек, платформа орқали давлат хизматчилари онлайн тарзда ҳар куни билимини ошириб бориши мумкин.
