Янги таҳрирдаги «Автомобиль йўллари тўғрисида»ги қонуни лойиҳаси жамоатчилик муҳокамасига қўйилди

    Норматив-ҳуқуқий ҳужжатлар лойиҳалари порталига «Автомобиль йўллари тўғрисида»ги қонун лойиҳаси муҳокамага қўйилди. Янги таҳрирдаги «Автомобиль йўллари тўғрисида»ги Қонун 6 боб ва 47 моддадан иборат.

    Ушбу Қонуннинг мақсади қуйидагилардан иборат:

    • автомобиль йўлларидан фойдаланувчилар, автомобиль йўллари эгалари ва давлат манфаатларини кўзлаб автомобиль йўллари тармоғини ташкил этиш ва улардан фойдаланиш, йўл фаолиятини амалга ошириш асосларини белгилаб бериш;
    • йўл хўжалигини такомиллаштириш;
    • умумий фойдаланишдаги автомобиль йўлларининг хавфсизлигини ва ривожланишини таъминлаш, уларнинг техник ҳолатини яхшилаш;
    • йўл фаолияти соҳасида илғор технологиялар ва стандартларни жорий этишни рағбатлантириш;
    • йўл фаолиятини амалга оширишда ишлар ва (ёки) хизматлар бозорида самарали ва адолатли рақобатни таъминлаш;
    • магистраль йўллардан фойдаланиш ва йўл ҳаракатини амалга ошириш соҳасидаги инвестиция муҳитини яхшилаш;
    • магистраль йўлларнинг халқаро транспорт тармоғига интеграциясини таъминлаш.