«Тошкент вилояти сув таъминоти» АЖнинг хабар беришича, сувтаъминот корхонаси билан икки томонлама шартнома тузмасдан ичимлик суви тармоғига уланиб фойдаланганлиги учун Янгийўл туманида фаолият юритувчи «ҲТБ-АС ИНВEСТ» МЧЖ корхонасига 294 511 319 (млн) сўм ҳисоб-китоб қилинган.
Ушбу хатти-ҳаракат учун «ҲТБ-АС ИНВEСТ» МЧЖ раҳбари А.Х. Ўзбекистон Республикаси Жиноят кодексининг 169-моддаси 3-қисми «в» бандида назарда тутилган жиноятни содир этганликда айбдор деб топилиб, 5 йил 1 ой муддатда озодликдан маҳрум қилинди. Шунингдек, унга ЖК нинг 57-моддаси қўлланилиб, базавий ҳисоблаш миқдорининг 150 баробар миқдорида, яъни 45 000 000 (млн) жарима жазоси тайинланди.
