Ракета қолдиқлари учирилган майдон яқинидаги тоғларга тушиб кетган. Трансляцияда кўриниб турибдики, улар қулаб тушган жойда кучли ёнғин юзага келган ва қалин тутун кўтарилган. Муваффақиятсизлик сабаби ҳозирча номаълум.
Ракетада оғирлиги тахминан 100 килограмм бўлган, унда Ер юзасини кузатиш учун мўлжалланган ҳукуматнинг сунъий йўлдоши бор эди. Бу бутунлай япон хусусий компанияси томонидан амалга оширилган сунъий йўлдошнинг биринчи учирилиши эди.
Kairos ракетасининг узунлиги 18 метр, оғирлиги эса тахминан 23 тоннани ташкил этди. Штаб-квартираси Токиода жойлашган Space One уни 2018 йилдан бери ишлаб чиқмоқда. Компания шунингдек, Вакаяма префектурасида ўзининг ишга тушириш майдончасини қурди, деб хабар беради tass.ru.
