Учрашув мезбонлар устунлиги остида ўтди. Биринчи бўлимнинг 28-дақиқасида Азиз Турғунбоев ажойиб зарбаси билан тўпни дарвозага киритди. Иккинчи бўлимда ҳам қатор имкониятлар юзага келди.
86-дақиқага келиб эса ўзига узатиб берилган тўпни ажойиб тарзда тўхтатган Элдор Шомуродов гол урди ва ҳисобни иккитага оширди. 90+2-дақиқада захирадан майдонга тушган Игор Сергеевнинг голи эса ҳисобни йирик кўринишга олиб келди.
Шундай қилиб, ушбу ғалаба билан Ўзбекистон МТЖ гуруҳда 21 очко тўплаган ҳолда мундиалга ишончли тарзда йўл олди.
