Бу ҳақда Fichajes.net нашри хабар бермоқда.
Маълумотларга кўра, «Реал Мадрид» ўзбек марказий ҳимоячисини ижара асосида таркибга қўшиш вариантини кўриб чиқмоқда. Бу қарор жамоада ҳимоячиларнинг жароҳатлари ва ротация етишмаслиги билан боғлиқ.
Абдуқодир Хусанов ўтган ёзда «Ланс» клубидан тахминан 40 миллион евро эвазига «Манчестер Сити»га ўтган, бироқ Пеп Гвардиола жамоасида кам ўйин амалиётига эга бўлмоқда. Англия клубида футболчининг ривожи учун ижара варианти истисно этилмаяпти.
«Реал Мадрид» раҳбарияти Хусановнинг жисмоний салоҳияти, ҳаводаги ўйини ва ўсиш имкониятини юқори баҳоламоқда. Айни пайтда уни сотиб олиш мажбуриятисиз ижара варианти устувор ҳисобланмоқда.
Музокаралар ҳозирча дастлабки босқичда. Томонлар ижара шартлари ва маош масаласида келишувга эришса, битим қишки трансфер ойнасида амалга ошиши мумкин.








