У ўз мурожаатида бу йўлни «юрак билан босиб ўтилган сафар» сифатида эслатиб ўтди. Терма жамоанинг Жаҳон чемпионатидаги иштирокидан сўнг у барча ўзбек футбол мухлисларига, мураббийларга ва футболчиларга самимий миннатдорлигини билдирди.

Исмоилов учун бу уч йил — шунчаки иш эмас, балки Ватан байроғи учун кураш, ҳар бир машғулотда, ҳар бир беллашувда жамоа билан бирга юракдан ёнган, қувонган ва аламланган лаҳзалар даври бўлди.

У 2025 йилдаги Осиё чемпионлиги ҳақида тўхталар экан, бу натижани «авлоднинг жасорати ва манфаати билан ёзилган тарих» дея атади. «Бу болалар Ўзбекистон футболига ишонч, ғурур ва янги умид олиб келди», — деди у.

Исмоилов ўз сўзида терма жамоага танловда фақат адолат ва ҳалоллик мезонларига амал қилганини, ҳар бир чақирилган футболчи бу формулани муносиб меҳнати билан олганини айтиб, «бугун ҳам, эртага ҳам бошим баланд» дея таъкидлади.

Бош мураббий ўзининг ёрдамчи мураббийлари, тиббий гуруҳ, таҳлилчилар, штаб аъзолари ва бу йўлда елкадош бўлган барчага самимий миннатдорлик билдирди. «Сизлар бўлмаганингизда бу сафардан куч ва руҳ бу қадар юксак бўлмасди,» — дея ёзди у.

Исмоилов учун энг катта фахр — шогирдлари. У уларни «менинг фахрим, менинг укаларим» деб атади ва ҳали уларни катта футбол саҳнасининг асосий қаҳрамонлари сифатида тасаввур қилиб, ишонч билдирди.

Баёнот охирида у жамоа билан йўли тугаганини, аммо бу якун эмас — янги бошланиш эканини таъкидлади:

«Бу эшик ёпилди, лекин олдимизда яна бир катта йўл очилмоқда. Раҳмат, Ўзбекистон!»