Самарқанд шаҳрида фаолият юритувчи сайёҳлик фирмаси раҳбари 3 нафар фуқаронинг ишончига кириб, уларни Мексика давлати орқали АҚШга юбориш эвазига катта миқдорда пул талаб қилгани аниқланди.
Маълумотларга кўра, у Самарқанд шаҳри ва Ургут туманида яшовчи фуқаролардан ҳар биридан 32 минг АҚШ долларидан, жами 96 минг доллар сўраган.
Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда фирма раҳбари олдиндан 15 минг доллар олган вақтида қўлга олинди.
Ҳозирда унга нисбатан Жиноят кодексининг 25, 168-моддаси 4-қисми «а» банди билан жиноят иши қўзғатилиб, тергов ҳаракатлари олиб борилмоқда.
Давлат хавфсизлик хизмати ва ички ишлар органлари томонидан ўтказилган тезкор тадбирлар натижасида катта миқдордаги гашиш ҳамда синтетик наркотиклар билан шуғулланган бир нечта шахслар қўлга олинди.
Янгиҳаёт туманида истиқомат қилувчи, 1977 йил Навоий вилоятида туғилган аёл Ф.М. ўз яшаш манзилида ноқонуний равишда Фарғона водийсидан олиб келинган катта миқдордаги психотроп моддалар сақлаётгани маълум бўлди.
Андижон вилоятида ўтказилган тезкор тадбирда Қирғизистондан салкам 3 килограмм гиёҳванд модда олиб келган икки нафар шахс қўлга олинди. Улар гашиш моддасини 23 минг долларга сотиб олиб, Тошкент шаҳрида сотмоқчи бўлгани аниқланди.
