Қирғизистондан салкам 3 кило наркотик модда олиб келган икки киши қамоққа олинди

Республика миқёсидаги “Хавфсиз ва соғлом юрт” тадбирлари доирасида Давлат хавфсизлик хизмати ва Ички ишлар органлари ҳамкорлигида Бўстон туманидаги ЙПХ масканида тезкор чоралар кўрилди.

"Андижон – Тошкент" йўналишида ҳаракатланган “Lacetti” автомобили текширилганда, уни бошқариб кетаётган 1984 йилда туғилган Ж.Р.дан 2 кг 994 грамм гашиш моддаси топилди. Шундан сўнг унинг шериги — 1993 йилда туғилган Ғ.Н. ҳам қўлга олинди.

Маълум бўлишича, модда Қирғиз Республикасидаги наркосавдогарлардан контрабанда йўли билан олиб кирилган ва Тошкентда сотилиши режалаштирилган.

Ҳозирда уларга нисбатан Жиноят кодексининг тегишли моддалари билан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари давом этмоқда.

Андижон вилоятида ўтказилган тезкор тадбирда Қирғизистондан салкам 3 килограмм гиёҳванд модда олиб келган икки нафар шахс қўлга олинди. Улар гашиш моддасини 23 минг долларга сотиб олиб, Тошкент шаҳрида сотмоқчи бўлгани аниқланди.

Пойтахтда 1-босқич талабалари 520 грамм «ўлим дориси» билан қўлга олинди

Тошкент шаҳрида «Хавфсиз ва соғлом юрт» тадбирлари доирасида олий таълим муассасасининг 1-босқич талабалари томонидан амалга оширилган наркотик модда ташиш фаолияти аниқланиб, бартараф этилди.

Чироқчи туманида фуқаронинг уйидан қарийб 21 кг гиёҳвандлик воситаси олинди

Давлат хавфсизлик хизмати ва ички ишлар органлари томонидан Чироқчи туманида ўтказилган тезкор тадбир давомида 20 килодан зиёд марихуана гиёҳвандлик воситаси аниқланди. Ушбу моддани келгусида сотиб, ноқонуний даромад топмоқчи бўлган фуқаро қўлга олинди.

Тошкент вилоятида қарийб 5 кг «опий» моддаси мусодара қилинди

Тошкент вилоятида Давлат хавфсизлик хизмати, Ички ишлар ва Божхона органлари ҳамкорлигида ўтказилган тезкор тадбир натижасида қарийб 5 килограмм «опий» моддаси ашёвий далил сифатида олинди.

Психотроп ва синтетик гиёҳвандлик моддаларини тарқатиб келган “закладчик” қўлга олинди

Тошкент туманида ўтказилган тезкор тадбир давомида психотроп ва синтетик гиёҳвандлик моддаларини “закладка” усулида тарқатиб келган шахс қўлга олинди.

Қирғизистондан салкам 3 кило наркотик модда олиб келган икки киши қамоққа олинди