Маълумотларга кўра, у туман ИИБ ҳузуридаги Тергов бўлими иш юритувида бўлган жиноят иши доирасида гумонланувчи сифатида жалб қилинган, ҳозирда Ховос туманидаги 8-сон тергов ҳибсхонасида сақланаётган фуқарони Сирдарё тумани ИИБ вақтинча сақлаш ҳибсхонасига ўтказиш ва кейинчалик ишни судда унинг фойдасига ҳал қилиш эвазига 5 500 АҚШ доллари талаб қилганлиги айтилмоқда.
Давлат хавфсизлик хизмати ва прокуратура органлари ходимлари томонидан ўтказилган тезкор тадбирда адвокат 4 500 АҚШ доллари ҳамда 6 миллион сўмни қабул қилиб олаётган пайтда ашёвий далиллар билан ушланган.
Таъкидланишича, у мазкур жиноят ишида гумонланувчининг ҳуқуқларини ҳимоя қилиш мақсадида давлат ҳисобидан юридик ёрдам кўрсатиш учун жалб қилинган бўлган.
Ҳозирда мазкур ҳолат юзасидан Жиноят кодексининг 168-моддаси 3-қисми “в” банди ва 28, 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
