Самарқанд халықаралық аэропортына кеше Қазақстанның Түркстан қаласынан жолаўшы самолёт келип қонды.

Қазақстанның "QAZAQ AIR" авиакомпаниясының бул авиарейси Астана, Түркстан ҳәм Самарқанд қалаларын байланыстырады.

Турақлы жолаўшы қатнаўлары ҳәптесине еки мәрте - пийшемби ҳәм екшемби күнлери әмелге асырылады.

Биринши авиарейстиң келиўи мүнәсибети менен шөлкемлестирилген илажда Қазақстан Республикасының Самарқанд қаласындағы бас консулы ҳәм Самарқанд ўәлаяты ҳәкимлигиниң жуўапкерлери қатнасты.