2022 йилда 60 мингга яқин ўзбекистонлик бошқа давлатларга ишлаш учун кетган. Ўтган йили 60 минг нафарга яқин ўзбекистонлик бошқа мамлакатларга қонуний ишга жўнатилган.
Таҳлилларга кўра, 2000 йилда дунё бўйича мигрантлар сони 96 миллион кишини, 2022-йилда бу рақам 164 миллион кишини ташкил этган. Шундан 46 фоизи аёллар ҳиссасига тўғри келади.
Ўзбекистон аҳолисининг 2 миллион нафардан кўп қисми бошқа давлатларда турли соҳаларда меҳнат қилмоқда. Хусусан, энг кўп — 1,5 миллиондан ортиқ ўзбекистонлик муҳожирлар Россияда ишлайди.
Маълум қилинишича, бугунги кунда мамлакат меҳнат бозорига ҳар йили 700 мингга яқин янги ишчи кучи кириб келади. Ўзбекистонда 1,3 миллиондан ортиқ одам камбағаллик бўйича рўйхатда туради.
Мамлакатга 2000 йилда мигрантлар ҳисобидан 790 миллион долларлик пул ўтказмалари келиб тушган бўлса, бу кўрсаткич 2022 йилда 8 миллиард долларни ташкил этган.
