Турли найрангларни қўллаган ҳолда Ўзбекистондан нақд хорижий валюталарни ноқонуний тарзда олиб чиқиш ҳолатларига божхона органлари томонидан чек қўйилмоқда.
Хусусан, Андижон вилояти божхона бошқармаси «Дўстлик» чегара божхона постига чиқиш пиёда йўлаги орқали қўшни давлатга ўтиб кетиш мақсадида кириб келган фуқаро А.Х. белгиланган тартибда шахсий кўрикдан ўтказилган.
Натижада, ушбу фуқаронинг ёнидан декларацияланган 8 минг 700 АҚШ долларидан ташқари, декларацияда ёзиб кўрсатилмаган ва божхоначиларнинг оғзаки сўровида маълум қилинмаган 43 минг 500 АҚШ доллари мавжудлиги аниқланган.
Маълум қилинишича, ҳозирда мазкур ҳолат юзасидан терговга қадар текширув ҳаракатлари давом эттирилмоқда.
