Шу йилнинг 5 мартидан бошлаб Тошкент шаҳридаги айрим автобус йўналишларига ўзгартиришлар киритилди. Бу ҳақда Транспорт вазирлиги ахборот хизмати хабар қилди.
Ўзгаришлар қуйидагича:
- 29-сонли “Ҳувайдо маҳалласи – Пахтакор метроси” — Беруний ва Ал-Хоразмий кўчалари кесишмасидан чапга бурилиб ҳаракатланади.
- 120-сонли “Чорсу метроси – Гулистон маҳалласи” — Чорсу метросидан Гулистон маҳалласига боришда ва қайтишда А. Навоий кўчаси орқали ҳаракатланади.
- 105-сонли “Сергели қўрғони – Чилонзор буюм бозори” — Хонабод кўчасидан ҳаракатланади, Улгуржи бозорига кирмайди.
- 117-сонли “Тошкент қувур заводи – Food City” — Тошкент қувур заводидан келишда Улгуржи бозори орқали ҳаракатланади.
- 154-сонли “Бобур маҳалласи – Зангиота юқумли касалликлар шифохонаси” — Бобур маҳалласидан ТҲАЙ ва Янги Сергели кўчалари орқали ҳаракатланади.
- 87-сонли “АИ Хоразмий мавзеси – Қорақамиш 2/4 мавзеси” — Гулистон, Пойгоҳ, Қурилиш, Қовунчи кўчалари орқали Чилонзор 30-даҳаси бекатигача ҳаракатланади.
- 17Т-сонли “Бекобод мавзеси – Чилонзор буюм бозори” — Чилонзор буюм бозоридан келишда Бешқайрағоч, Бекобод, Истироҳат кўчалари орқали ҳаракатланади.
- 99-сонли “Сувсоз мавзеси – Фарҳод бозори” — Сувсоз мавзесидан келишда Кичик ҳалқа йўли, Лутфий ва Фарҳод кўчалари орқали ҳаракатланади.
Қайд этилишича, мазкур ўзгаришларда йўловчи оқими ва фуқаролар мурожаатлари инобатга олинган.
