Хабарда айтилишича, январь—сентябрь ойларида қурилиш фаолияти билан шуғулланувчи 30 384 та юридик шахс томонидан 6,3 триллион сўмдан ортиқ солиқ тўланган.
Шундан 1 триллиондан кўпроқ қисми, яъни 16,7 фоизи 20 та корхона ҳисобига тўғри келган.
Корхоналарда умумий товар айланмаси 131 триллион сўмдан ошган бўлса, топ-20 таликдаги солиқ тўловчи ташкилотларда бу кўрсаткич 18 триллион сўмдан кўпроқ бўлган. Шунингдек, қурилиш компанияларига қўлланган жами солиқ имтиёзи 328,5 триллион сўмдан ошган.
Тўланган тушумлар солиқ турлари кесимида:
- ҚҚС — 512,1 миллиард сўм;
- ЖШОДС — 192,2 миллиард сўм;
- ижтимоий солиқ — 180,6 миллиард сўм;
- фойда солиғи — 153,9 миллиард сўм;
- бошқа солиқлар — 27,2 миллиард сўм.
