Boeing 787-8 Dreamliner самолёти ҳалокатга оид дастлабки терговга кўра, двигателларга ёнилғи етказиб бериш тўхтатилганидан кўп ўтмай Ҳиндистонда ҳалокатга учради.
“Самолёт қайд этилган максимал тезликка эришди ва шундан сўнг дарҳол 1 ва 2 двигателлар учун ёнилғи ўчириш тугмалари ўчирилган. Кабинадаги ёзиб олинган овозда учувчилардан бири иккинчисидан у нима учун ўчирганини сўрагани эшитилади. Иккинчи учувчи эса бундай қилмаганини айтди”, дейилади жума куни эълон қилинган хабарда.
Қайд этилишича, бу ҳодиса ҳалокатдан бир неча дақиқа олдин содир бўлган. Хабарда айтилишича, двигателлардан бири қайта ишга туширилган, бироқ бу самолётнинг тез секинлашишини тўхтата олмаган. Шу билан бирга, самолётнинг парвоз ҳудудида двигателга кириб, ҳалокатга сабаб бўлиши мумкин бўлган қушлар кузатилмаган. Хабарда, шунингдек, ҳалокатдан фақат битта қора қути зарар кўрмагани айтилади.
Air India авиакомпаниясининг Аҳмадободдан Лондонга учган AI171 рейси 12 июнь куни Ҳиндистоннинг Гужарат штатида шаҳар аэропорти яқинида ҳалокатга учради. Авиакомпания маълумотларига кўра, бортда 242 киши, жумладан, икки нафар учувчи ва ўн нафар борт кузатувчилари бўлган. Бир йўловчи ҳалокатдан омон қолган. Самолёт Аҳмадобод тиббиёт коллежи ётоқхонаси биносига қулаган, у ерда ҳам одамлар ҳалок бўлган. Охирги маълумотларга кўра, жасадлари қутқарувчилар томонидан топилган авиаҳалокат қурбонларининг умумий сони 275 нафарни ташкил этади, деб хабар беради ria.ru.
