Европа лигаси доирасида Амстердамда маҳаллий “Аякс” ва Тел-Авивнинг “Маккаби” клублари ўртасидаги футбол ўйинидан сўнг исроиллик мухлислар ҳужумга учради.
Бу ҳақда Исроилнинг БМТдаги доимий вакили Данни Данон Х (олдинги Twitter) орқали хабар берди.
“Биз Нидерландия кўчаларида исроилликлар ва яҳудийларга қарши ўта зўравонлик ҳақида жуда хавотирли хабарларни оляпмиз. 2024 йилда Европада зўравонликлар содир бўлмоқда. Бу биз курашаётган радикал терроризм тарафдорларининг ҳақиқий юзи. Фаластинликлар ва уларнинг тарафдорлари томонидан амалга оширилган зўравонликни БМТ томонидан зудлик билан ва сўзсиз қоралаш вақти келди, Нидерландия ҳукумати терроризмга қарши зудлик билан қатъий чоралар кўриши керак”, деди дипломат кийимларига Фаластин давлатининг рамзлари туширилган одамларнинг ҳужуми акс этган видеони жойлаштирган ҳолда.
Исроилнинг Ynet ахборот порталининг хабар беришича, ҳодиса стадион биносидан чиқишда содир бўлган. Камида беш мухлис пичоқланган, баъзиларини ўтиб кетаётган автомобиль уриб юборган, деб хабар беради tass.ru.
Исроил Бош вазири Биньямин Нетаньяху Амстердамдан исроилликларни эвакуация қилишни буюрди. “Бош вазир фуқароларимизга ёрдам бериш учун иккита қутқарув самолётини зудлик билан жўнатишни буюрди”, деб хабар берди Бош вазир девони.
