Малака ошириш бўйича ўқув курсларида бугунги кундаги замонавий IT дастурларни ўрганиш ва улардан фойдаланиш имкониятлари яратилди.
Лойиҳанинг асосий мақсади тингловчиларни ахборот технологиялари бўйича билим ва малакаларини ошириш, олган билимларини ўзининг иш жойида татбиқ қилиш орқали ёшларни замонавий касбларга ўргатиш ҳисобланади. Ушбу амалиёт келгусида вилоят марказига етиб кела олмайдиган ўқувчи ёшларни ва олийгоҳлардаги талабаларни дастурлашнинг бошланғич билимларини ўзлаштиришида имкон яратади.
Малака ошириш курслари якунида тингловчилар дастур орқали яратган кичик лойиҳаларини тақдимотини ўтказдилар ва уларга IT сертификатлар тақдим этилди, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.
