2022 йилда эса вилоятда анор боғлари 190 тадан, уларнинг умумий майдони 2500 гектардан ортди. Эътиборлиси, 155 та боғ ва 2100 гектардан зиёд анорзор майдони Қува туманида жойлашган.
2021 йилда 6500 тоннага яқин анор 12 та хорижий давлатларга экспорт қилинди. Жорий йилда эса Фарғонада 12 минг тоннадан зиёд анор йиғиштириб олиниши кўзда тутилган бўлиб, айни кунда экспорт жараёнлари авжида. Анор пишиб етилганидан сўнг ўтган қисқа давр мобайнида қиймати 1,4 миллион долларлик 1,5 минг тонна анор экспортга расмийлаштирилди.
Анорлар асосан Россия, Корея, Монголия, Қирғизистон ва Украинага экспорт қилинмоқда. Корея Республикасига анорлар авиарейс билан, қолган давлатларга эса юк автотранспорт воситаларида экспортга чиқарилмоқда.
Вилоятимизда анор экспорти билан ҳозирда 70 га яқин тадбиркорлар фаол шуғулланмоқда.
Анор етиштириш нафақат Қува туманида, балки Қувасой шаҳри, Боғдод, Тошлоқ, Қўштепа, Риштон ва Ўзбекистон тумани каби бошқа ҳудудларда ҳам ривожланиб, йиғиб олинаётган ҳосиллар хорижда ўзига хос Фарғона брендига айланмоқда. Энг муҳими, ушбу йўналишда доимий ва мавсумий янги иш ўринлари кўпайиб, аҳоли даромад манбалари яратилмоқда.
