Сенаторнинг эслатишича, март ойида АҚШ Миллий разведкаси директори Тулси Габбард “Эрон бомба яратиш бўйича ҳеч қандай чора кўрмаган” деган. “Ва шу ҳафтанинг душанба куни биз разведка маълумотлари ўзгармаганлиги ҳақидаги тасдиқни олдик”, деб қўшимча қилди Уорнер.
Гап Габбарднинг 25 март куни разведка бўйича махсус қўмитага ёзма тақдимоти ҳақида кетяпти, унда директор бўлим учун 18 та АҚШ разведка бошқармасининг Эрон бўйича хулосаларини умумлаштирган: унинг сўзларига кўра, разведка ҳамжамияти Эрон ядро қуроли яратмаяпти, олий раҳбар [Али] Хоманеий 2003 йилда тўхтатганидан буён ҳали ҳам “ядровий қурол яратиш дастурига рухсат бермаган, деб ҳисоблайди”.
АҚШ Президенти Дональд Трамп Эрон Исроил зарбаларидан олдин ядро қуроли яратишга яқин турганини даъво қилди, деб хабар беради rbc.ru.
Журналистлар унга Габбарднинг АҚШ разведкасининг бундай даъволарга зид бўлган баҳосини эслатганда, республикачи шундай жавоб берди: “Унинг нима деганинг менга фарқи йўқ. Менимча, улар [Эронда] жуда яқин эди”.
