Boeing 737-800 Денвер – Эдмонтон йўналишида ҳаракатланаётган эди. Самолёт бортида 153 йўловчи ва 6 экипаж аъзоси бўлган. Ҳавога кўтарилганидан кўп ўтмай, самолёт двигателларидан бирида ёнғин бошланган.
Самолёт Денвер (АҚШ) халқаро аэропортига фавқулодда қўндирилди. Жабрланганлар йўқ, йўловчилар бошқа самолётда Эдмонтонга етказилган.
АҚШ Федерал авиация бошқармаси тергов бошлади. Департаментнинг аниқлик киритишича, United Airlines самолёти билан содир бўлган воқеа қуённинг турбинага тушиши билан боғлиқ тўртинчи ҳужжатлаштирилган ҳодисадир, деб хабар беради report.az.
