Даъво аризасида айтилишича, Маскнинг тайинланиши АҚШ Конституциясига зид келади, чунки у Сенат томонидан тасдиқланиши керак бўлган лавозимда ишлайди.
“Демократия учун давлат ҳокимиятининг ягона, сайланмаган шахс қўлида тўпланишидан каттароқ хавф йўқ”, дейилади даъво аризасида.
Даъво Нью-Мексико Бош прокурори Рауль Торрес ва Аризона, Мичиган, Мэриленд, Миннесота, Калифорния, Невада, Вермонт, Коннектикут, Род-Айленд, Массачусетс, Орегон, Вашингтон ва Гавайи расмийлари томонидан киритилган.
Нью-Мексико бошчилигидаги штатлар Маскга “мисли кўрилмаган” ваколатлар берилганини таъкидлашмоқда, бу эса унга федерал агентликларни тарқатиб юбориш ва қонунчилик рухсатисиз бюджетларни қисқартириш имконини беради. Судга, шунингдек, АҚШ Халқаро тараққиёт агентлигининг (USAID) 26 нафар ходими ва пудратчилари DOGE ваколатларини чеклашни сўраб мурожаат қилган.
Бир қанча идоралар маъмурлари DOGEнинг махфий маълумотларга киришини аллақачон чеклаб қўйди ва суд агентликка USAIDнинг 2000 дан ортиқ ходимларини ишдан бўшатишни вақтинча тақиқлади. Даъвогарлар Маскнинг барча қарорларини ноқонуний деб эълон қилишни ва Сенат томонидан тасдиқланмагунча унинг фаолиятини тўхтатиб қўйишни талаб қилмоқда.
Трамп маъмурияти Маск қонун доирасида ҳаракат қилаётганини ва USAID ҳукумат харажатларини қисқартириш ва коррупцияга қарши курашиш устида ишлаётганини маълум қилди, деб хабар беради rbc.ru.
